Павел Дуров, молики мессенҷери Telegram баъд аз парвандааш тариқи шабакаи худ аз амалкарди мақомоти Фаронса интиқод кард.
Ӯ нақл, ки зимни ворид шудан ба Париж дар давоми 4 рӯз аз ҷониби полис бозпурсӣ шуд ва ӯро барои истифодаи ғайриқонунии Telegram аз ҷониби шахсони дигар масъул донистаанд.
Ин бо чанд сабаб барои Дуров ҳайратовар будааст. Чунки Telegram дар Иттиҳоди Аврупо намояндаи расмии худро дошта, дархостҳои Иттиҳоди Аврупоро қабул ва посух медодааст. Инчунин ҳукуматдорони Фаронса роҳҳои зиёде доштанд, ки ба ӯ муроҷиат намоянд.. «Ман ҳамчун як шаҳрванди Фаронса дар консулгарии Фаронса дар Дубай зуд-зуд меҳмон мешудам, кумак кардам, ки телефони боварӣ таъсис диҳанд, то бо таҳдиди терроризм дар Фаронса мубориза баранд.»,-ёдовар шудааст ӯ.
«Мушаххас кардани мувозинати дуруст байни махфият ва амният осон нест. Шумо бояд қонунҳои дахолатнопазириро бо талаботҳои ҳифзи ҳуқуқ ва қонунҳои маҳаллиро бо қонунҳои Иттиҳоди Аврупо мувофиқ созед.»,-хитоб мекунад молики Телеграм.
Ӯ навиштааст, ки гоҳо наметавонанд бо танзимгари кишвар дар бораи тавозуни дурусти байни махфият ва амният розӣ шаванд.
«Дар ин мавридҳо мо омодаем, ки он кишварро тарк кунем. Мо инро борҳо кардаем. Вақте ки Русия аз мо талаб кард, ки “калидҳои рамзгузорӣ” пешниҳод намоем, мо рад кардем. Вақте ки Эрон аз мо талаб кард, ки каналҳои эътирозгарони осоиштаро бубандем, мо рад кардем ва Telegram дар Эрон мамнӯъ шуд. Мо омодаем бозорҳоеро, ки ба принсипҳои мо мувофиқ нестанд, тарк кунем, зеро, мо ин корро барои пул анҷом намедиҳем. Моро анҷоми нияти нек ва дифоъ аз ҳуқуқҳои асосии одамон, бахусус дар ҷойҳое, ки ин ҳуқуқҳо поймол карда мешаванд, ангеза медиҳад.»,-гуфтааст Павел Дуров.
Дуров шоми 24 август ҳангоми пойин омадан аз ҳавопаймои шахсӣ дар фурудгоҳи Ле Буржеи Фаронса боздошт шуд. Соҳибкор аз Озарбойҷон ба ин кишвар меомад.
Пулиси Фаронса ин соҳибкорро ба саркашӣ аз ҳамкорӣ дар масоили ҷиноятҳои киберӣ ва молиявӣ дар Telegram муттаҳам карда буд.
