Дар шаҳри Ню-Йорк истифодаи абзорҳои тавлидкунандаи зеҳни сунъӣ барои хонандагони мактабҳои ибтидоӣ ва миёна дар соли таҳсили ҷорӣ манъ мешавад. Ҳамзамон, барои хонандагони мактабҳои миёна дарсҳои саводи зеҳни сунъӣ ва барномаҳои озмоишии таҳти назорати омӯзгорон роҳандозӣ хоҳанд шуд.
Ин мораторияи яксола истифодаи нармафзори тавлидкунандаи зеҳни сунъиро барои хонандагони то синфи ҳаштум манъ мекунад. Ин тасмим ба тақрибан 600 ҳазор хонандаи мактабҳои давлатӣ дахл дорад. Дар ин муддат мақомоти шаҳр меомӯзанд, ки кӯдакон аз ин технология чӣ гуна истифода мебаранд.
Шаҳрдорӣ гуфтааст, ки истифодаи тақрибан 40 абзори таълимии AI, ки ҳоло дар синфхонаҳо истифода мешаванд, қатъ карда мешавад. Чатботҳои ёрирасон низ дар ҳамаи синфҳо манъ хоҳанд шуд.
Аммо омӯзгорон метавонанд истифодаи AI-ро барои омода кардани дарсҳо ва иҷрои корҳои маъмурӣ, аз ҷумла тартиб додани ҷадвалҳо, идома диҳанд.
«Кӯдакон барои омӯхтан ва рушд кардан ба омӯзгорон ва робитаи инсонӣ ниёз доранд. Онҳо бояд дар баробари ҳамсолони худ малакаҳо инкишоф диҳанд, бо омӯзгорон муносибат барқарор кунанд ва мустақилона бо масъалаҳои душвор рӯ ба рӯ шаванд».-гуфтааст шаҳдори Ню-Йорк.
Қарори Ню-Йорк дар ҳоле қабул шудааст, ки мактабҳои саросари ИМА манфиатҳо ва хатарҳои истифодаи AI-и тавлидкунандаро дар синфхонаҳо баррасӣ мекунанд. Вале Ню-Йорк ягона шаҳр нест, ки чунин маҳдудиятҳоро ҷорӣ мекунад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
