Кристалина Георгиева, мудири Хазинаи байналмилалии асъор мегӯяд, зеҳни сунъӣ (AI) тақрибан ба 40% ҷойҳои корӣ таъсир карда, ба иваз кардани баъзе мутахассисон ва пур кардани ҷойи дигарон сабаб гаштааст. Бинобар ин, Георгиева ба зарурати тавозуни бодиққати сиёсатҳо зимни кашфи иқтидори AI таъкид кардааст. Ба қавли роҳбари Хазинаи байналмилалии асъор, дар байни кишварҳои пешрафта, ҳиссаи ҷойҳои корӣ, ки аз AI зарар дидаанд, 60% аст. Барои кишварҳои рӯ ба тараққӣ ин рақам-40 дарсад ва барои кишварҳои камдаромад 26 фоизро ташкил медиҳад.
Георгиева иқтидори AI-ро барои баланд бардоштани маҳсулнокӣ, бол бурдани рушди иқтисоди ҷаҳонӣ ва афзоиши даромад дар саросари ҷаҳон қайд кардааст. Бо вуҷуди ин, вай инчунин хатари афзоиши нобаробарӣ ва коҳиши шуғлро аз зеҳни сунъӣ эътироф кард.
«Мо дар остонаи инқилоби технологӣ ҳастем, ки метавонад ҳосилнокӣ ва рушди ҷаҳониро афзоиш диҳад ва даромадҳоро дар саросари ҷаҳон бештар намояд. Бо вуҷуди ин, он метавонад ҷойҳои корро иваз ва нобаробариро амиқтар кунад.»,- менависад дар матлаби хеш.
Ба бовари ин иқтисоддон, пешрафти босуръати зеҳни сунъӣ ҷаҳонро ба худ ҷазб карда, ҳам ҳаяҷон ва ҳам изтиробро ба вуҷуд овард ва саволҳои муҳимро дар бораи таъсири эҳтимолии он ба иқтисоди ҷаҳонӣ ба миён ҳалқ кард.
«Таъсири холисро пешгӯӣ кардан душвор аст, зеро AI дар иқтисодиёт бо роҳҳои мураккаб паҳн мешавад. Он чизе ки мо бо итминон гуфта метавонем, ин аст, ки мо бояд як қатор сиёсатҳоро таҳия кунем то аз иқтидори бузурги AI ба манфиати инсоният бехатар истифода барем.»,-мегӯяд мудири ХБА.
Таъсири даромади меҳнатӣ асосан аз он вобаста хоҳад буд, ки AI то чӣ андоза коргарони сердаромадро пурра мекунад. Агар АИ кормандони сердаромадро ба таври назаррас пурра кунад, он метавонад боиси афзоиши номутаносиби даромади меҳнатии онҳо гардад. Ғайр аз ин, афзоиши ҳосилнокӣ аз ширкатҳое, ки AI-ро пазирӯфтаанд, эҳтимол боиси афзоиши сармоя мегардад. Вале ҳар дуи ин падидаҳо метавонанд нобаробариро шадидтар кунанд.
«Дар аксари сенарияҳо, AI эҳтимолан нобаробарии умумиро боз шадидтар мекунад, як тамоюли ташвишоваре, ки сиёсатмадорон бояд фаъолона мубориза баранд то технологияро аз афзоиши ташаннуҷи иҷтимоии минбаъда пешгирӣ кунанд. Барои кишварҳо таъсиси шабакаҳои ҳамаҷонибаи амнияти иҷтимоӣ ва пешниҳоди барномаҳои бозомӯзӣ барои кормандони осебпазир хеле муҳим аст. Бо ин кор мо метавонем гузаришро ба AI фарогиртар гардонем ва аз нобаробарӣ ҷилавгирӣ намоем»,-қайд мекунад Кристалина Георгиева.
