Фотима Салимова 110-сола шуд ва шояд ягона дарозумртарин зан дар Тоҷикистон бошад.
Фотима Салимова 20 январи соли 1913 дар Ҷамоати деҳоти Саидмуъмин Раҳимови ноҳияи Совет (Темурмалики вилояти Хатлон) таваллуд шудааст. Ӯ дар соҳаҳои гуногуни хоҷагии қишлоқ фаъолият намуда, собиқаи беш аз 40-солаи корӣ дорад. Фотима соҳиби 3 фарзанд, 20 набера ва 75 абера буда, писари бузургаш аз олам чашм пӯшидааст. Писари дуюмаш Қарабой Гулаев 73-сола.
Фотима Салимова айни ҳол худро бардам эҳсос мекунад ва ҳамарӯза рӯйи ҳавлӣ мебарояд. Бинобар сабаби сардии шадид фарзандон иҷоза намедиҳанд, ки аз хона берун шавад.
Ба муносибати 110-солагӣ намояндагони мақомоти иҷроия туҳфаи раиси ноҳияи Темурмалик Ҳасанзода Шералиро ба ин пиразан расонда, табрикоти роҳбари ин ноҳияро ба ӯ расонданд.
Шералӣ Давлатов
