CАЙЁҲАТХоваршиноси рус: Панҷакенти бостонӣ як муъҷизаи ҷаҳонӣ аст!

Ховаршиноси рус: Панҷакенти бостонӣ як муъҷизаи ҷаҳонӣ аст!

-

Акс аз asiaplus.tj

Панҷакенти қадим дар 1,5 км қисмати ҷанубу ғарбии шаҳри Панҷакент ҷойгир буда, мансуби асри V – VIII аст.

Панҷакенти қадим аз 3 қисмат – куҳандиз, шаҳристон ва қабристон иборат мебошад.
Панҷакенти бостонӣ дорои ҳама аркони шаҳрдорӣ буда, аз зери хок деворҳои хонаҳои истиқоматӣ, маъмурӣ ва ибодатгоҳҳо  падид меоянд. 

Бозёфти Панҷакенти куҳна барои таърихи Тоҷикистон дастоварди беназир аст, чунки нигораву ёдгориҳо адабиёт, фолклор, расму ойини гузаштаи халқи тоҷикро инъикос мекунад.

Павел Луре, шарқшинос ва бостоншиноси рус ҳоло дар Панҷакент қарор дошта, ҳайати ковишгарони Русияро роҳбарӣ мекунад. Ӯ корманди бахши ховаршиносии Осорхонаи Эрмитажи шаҳри Санкт-Петербург буда, аз соли 1994 ба ин сӯ ҳар тобистон ба Панҷакент омада, корҳои ковишгариро дар Панҷакенти бостонӣ идома медиҳад.

Мавсуф донандаи хуби забони тоҷикӣ буда, Панҷакенти бостонро як муъҷизаи ҷаҳонӣ тавсиф намуда, таъкид мекунад, ки  иттилооти бештар дар бораи Суғди қадим маҳз дар ин ҷой мавҷуд аст.

Айни ҳол корҳои барқарорсозӣ ва таҷдуду деворбандӣ дар  шаҳраки Панҷакенти бостонӣ идома дошта, барои ин тарҳ сафорати Амрико беш аз 170 ҳазор доллар маблағ ҷудо кардааст.

Дар асоси лоиҳа то соли 2023 қисме аз шаҳри Панҷакенти қадим, ки дар асрҳои V-VIII дар теппае болотар аз шаҳри Панҷакенти имрӯза арзи вуҷуд дошт ва ҳоло зери хок маҳфуз аст, барқарор карда мешавад.  

Корҳои ҳафриётӣ дар Панҷакенти қадим бо ҷалби бостоншиносону олимони ватаниву хориҷӣ соли 1947 оғоз шуда ҳамоно идома дорад. Донишмандони тоҷик низ корҳои назаррасе анҷом медиҳанд ва ҳамарӯза машғули тадқиқот ҳастанд. Дар навори зер бо фаъолияти бостоншиносони тоҷик ошно гардед:

Абдусамад Аминов

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
4
+1
1
+1
0
+1
0
+1
0
+1
0
+1
0

ХАБАРҲОИ ОХИРИН

Иштироки 266 гӯштингир дар Чемпионати Тоҷикистон оид ба гӯштин

Дар Чемпионати Тоҷикистон оид ба гӯштин 266 варзишгар (175 нафар аз рӯи гӯштини тарзи озод, 91 нафар аз рӯи...

Навгонӣ дар месенҷери «WhatsApp»

Месенҷери WhatsApp вокунишҳои корбаронро дар гурӯҳҳо илова мекунад. Таҳиягарони мессенҷери WhatsApp хусусиятеро озмоиш мекунанд, ки ба истифодабаранда имкон медиҳад, ки...

Ноутбук Fujitsu бо вазни 689 гр

Ширкати Ҷопонии Fujitsu ноутбуки UH-X/H1-ро бо экрани 14 дюймӣ муаррифӣ кард, ки вазнаш ҳамагӣ 689 грамм аст, ки яке...

Шикасти мунтахаби ҷавонони Тоҷикистон аз бошгоҳи “Бухоро”

Дастаи мунтахаби ҷавонони Тоҷикистон (U-20) таҳти раҳбарии мутахассиси белорус Олег Кубарев дар ҷамъомади таълимиву тамринӣ дар Анталия бозии дуввуми...
spot_imgspot_img

Ҷоми ФФТ-2023: дар даври аввал кӣ пирӯз гардид?

Бозиҳои даври дуввуми марҳилаи муқаддамотии Ҷоми ФФТ-2023 дар минтақаи Душанбе 29 январ оғоз гардида, имрӯз, 30 январ хотима меёбанд. Соати...

Дандонпизишк ва роҳбари созмони ҷавонони тоҷик дар Новосибирск

Умар Шеров солҳои 2015-2022 яке аз донишгоҳҳои тиббии Русияро хатм кард, аз замони донишҷӯӣ ба кори амалӣ машғул буд...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад