Тими ҷавонони Тоҷикистон (U-19) дар бозии ифтитоҳии худ дар мусобиқоти қаҳрамонии CAFA бар тими Афғонистон бо ҳисоби бузург (4:1) пирӯзиро ба даст овард.
Нимаи аввали бозӣ ҳисобҳо баробар (1:1) буд. Дар дақиқаи 14-ум нимҳимоятгари мунтахаби ҷавонони Тоҷикистон Азизбек Ҳаитов дар бозӣ ҳисобро кушод. Баъди ҳафт дақиқа Аҳмад Закариё Ҳусайнӣ аз дастаи рақиб ҳисобро баробар кард.
Дар нимаи дуюми бозӣ мураббиёни тими мо як қатор ивазкуниҳоро анҷом доданд, ки рафти бозӣ ба куллӣ тағйир ёфта ба дастаамон муяссар шуд, ки ба дарвозаи тими Афғонистон боз се туби ворид кунанд. Голҳоро Содиқҷон Қурбонов, Фатҳулло Олимзода ва Салам Ашӯрмамадов ба самар расониданд.
Дар як вохӯрии дигари даври дуюми чемпионати ҷавонони CAFA-2022 дастаҳои мунтахаби Қирғизистону Узбакистон бидуни гол бозиро ҷамъбаст карданд.
Имрӯз, 8 август соати 18:00 вохӯрии дастаҳои Эрон ва Афғонистон дар назар буда, сипас соати 21:00 тимҳои миллии Тоҷикистону Қирғизистон бо ҳам рақобат мекунанд. Воридшавӣ ба Варзишгоҳи марказии Душанбе ройгон аст.
