Махаҷан Васудеван Наир, сардори департаменти иҷозатномадиҳии бошгоҳҳои касбии Конфедератсияи футболи Осиё бо сафари корӣ ба Тоҷикистон омад.
Зимни сафар Маҳаҷан Васудеван Наир бо директори генералии Лигаи футболи Тоҷикистон Сайвалӣ Шоқурбонов ва мутахассисони Лига мулоқоти корӣ доир намуда, дар он натоиҷи иҷозатдиҳии бошгоҳҳои ширкаткунандаи мусобиқоти таҳти сарпарастии ФЛТ мавриди баррасӣ қарор гирифтааст.
Намояндаи AFC аз вазъи кор ва натиҷаҳои кори ФЛТ дар соҳаи иҷозатномадиҳии бошгоҳҳо ва риояи тамоми муқаррарот ва талаботи АФК дар соҳаи муҷаввиз ба бошгоҳҳои касбӣ изҳори қаноатмандӣ кардааст.
Ҳамчунин як қатор масъалаҳои марбут ба ҷорӣ намудани навоварӣ дар раванди иҷозатномадиҳии клубҳо ва талаботи низомнома ва сиёсати иҷозатномадиҳӣ баррасӣ шуданд.
Дар доираи сафари корӣ сардори Раёсати литсензиядиҳии клубҳои АФК аз Истиклол, Хуҷанд, ССКА ва «Регар-ТадАЗ» дидан карда, бо инфрасохтори бошгоҳҳо, варзишгоҳҳо, ҳайати кадрӣ ва ҳуҷҷатҳои маъмурӣ шинос шудааст
