МУВАФФАҚИЯТИскандар Толибов: духтар баракати хона аст!

Искандар Толибов: духтар баракати хона аст!

-

Искандар Толибов дар тӯйи арусии духтараш

Бархе бо таваллуди пай дар пайи духтар дар оила аз завҷи худ гиламанд мешаванд, ки барои ӯ писар зода натавонист. Ҳатто ҷудошавии оилаҳо бинобар ин ҳолатҳо то кунун ҷой дорад. Аммо на ҳамеша чунин аст ва на ҳама мардон бо таваллуди духтар дар оила занонро маломат мекунанд.

Қаҳрамони навбатии мо оилае ҳастанд, ки писар надоранд, вале бо вуҷуди ин, аз тақдир розианд.

Хонаводаи Толибовҳо худро яке аз хушбахттарин оилаҳо медонанд. Ҳама фарзандони хонавода духтар ҳастанд- Фарзона, Меҳрангез, Соҳиба ва Мафрӯза.

Искандар Толибов, падари хонадон ва Сурайё Толибова модари ин духтарон меболанд, ки Худованд барои онҳо 4 духтари солим  додааст.

Духтарон дар интихоби касб озод буданду волидон монеъ  нашуда, баръакс, дастгирӣ кардаанд. Сеи онҳо дорои маълумоти олӣ ҳастанд. 

«Мо духтаронро дар руҳияи ҳамдигарфаҳмӣ ба воя расондем, соҳиби маълумоти олӣ намуда, Алакай Фарзона, Меҳрангез ва Соҳибаро ба хонаи бахт гусел намудем. Духтари хӯрдӣ-Мафрӯза донишҷӯи соли чорум аст.», -мегӯяд модари хонадон Сурайё Толибова.

Ба иттилои модари ин духтарон, корҳои хонаро низ фарзандон бо меҳру муҳаббат ва ҳамдигарфаҳмӣ, бе ягон низоъу нофаҳмӣ ба анҷом мерасонданд. Ҳар яки онҳо корҳои хонарои қисмат намуда буданд. Агар яке ба корҳои ошхона машғул мешуд, дигаре бо корҳои хона.

Падари хонадон духтаронро неъмате медонад, ки Худованд барояш додааст. “Ҳар боре духтар таваллуд мешуд, заррае ғамгин намешудам. Зеро, фарзанд новобаста аз ҷинс додаи Худованд аст ва шукргузорам.”,- мегӯяд падари духтарон.

Сурайё Толибова мехоҳад ҳар ҳафта духтаронаш ба хона оянду набераҳояшро оранд:

“Ҳар боре пазмон мешавам ба духтарон занг зада ба хона даъват мекунам. Агар худи онҳо омада натавонистанд, набераҳоямро равон мекунанд. Хушҳолии набераҳоямро дида хастагиамро фаромӯш месозам”.

Духтарон изҳори қаноатмандӣ менамоянд, ки Худованд барояшон падару модари ҳалим ва закӣ додааст.

Муҳаммад Маҳмадзода

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7
+1
2
+1
0
+1
0
+1
0
+1
0
+1
0

ХАБАРҲОИ ОХИРИН

Роҳҳои дусатҳа дар Душанбе

Ба наздикӣ 5 роҳи дусатҳа сохта мешавад, ки дар онҳо роҳи махсус барои ҳаракати нақлиёти ҷамъиятӣ, дучарха ва пиёдагард...

Се таҳдиди буҳронҳои марбути об ба ҳаёти 190 миллион кӯдак

Се таҳдиди буҳронҳои марбут ба об ҳаёти 190 миллион кӯдакро зери хатар мегузорад.  ЮНИСЕФ даъват намудааст, ки ба иншооти...

BI.ZONE: ransomware ба ширкатҳои хусусӣ ҳамла мекунад

Ширкати идоракунии хатарҳои рақамии BI.ZONE гуфтааст, ҳакерҳо эҳтимоли бештари ҳамлаҳоро бо истифода аз барномаҳои рамзгузорӣ барои ғайрифаъол кардани системаҳои...

Евгений Баклушин: телефонҳо ба ширкатҳои истеҳсолкунанда тобеъ ҳастанд!

Телефонҳои ҳушманд бо ин ё он роҳ баъзе маълумоти корбарро, аз ҷумла ҷойгиршавӣ, паёмҳо ва рӯйхати тамосҳоро ҷамъоварӣ ва...
spot_imgspot_img

Патриот чаро гарон шуд?

  "Патриот"-и автомат идорашаванда дар фурӯш пайдо шуд. Аммо нарх метавонад шуморо ба ҳайрат орад. УАЗ ваъда медиҳад, ки истеҳсоли мошинҳои...

Яндекс барои интиқоли мусофир нақлиёти бесарнишин истифода мекунад

Такси "Яндекс" барои интиқоли мусофирон бесарнишин истифода хоҳад кард. То ҳол дар таҷрибаҳо чанд ҳавопаймои бесарнишин ширкат хоҳанд кард: ҳашт...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад