ЛАТВИЯ
Донишгоҳи нақлиёт ва телекоммуникатсия: ҳаққи таҳсил дар як сол аз € 2700 Дараҷаҳои бакалавр ва магистрро дар соҳаҳои зерин пешниҳод мекунад: илмҳои компютерӣ ва технологияҳои иттилоотӣ, электроника ва телекоммуникатсия, нақлиёт ва логистика, нақлиёти авиатсионӣ, иқтисод ва менеҷмент.
Лаҳистон. Таҳсил бо забони англисӣ
Донишгоҳи Байналмилалии Логистика ва Нақлиёт (International University of Logistics and Transport): Пардохти таҳсил дар як сол аз € 2500.
Мутахассисони соҳаи логистикиро омода мекунад (логистикаи истеҳсолот, харид, савдо ва тақсимот). Донишгоҳ барои донишҷӯёни худ таҷрибаомӯзиро дар ширкатҳои калонтарини соҳаи логистикӣ ташкил мекунад. Дар донишгоҳ бо мақсади бо кор таъмин намудани донишҷӯён ширкатҳо муаррифӣ мешаванд.
Маҷористон. Таҳсил бо забони англисӣ
Донишгоҳи Печ (University of Pecs): маблағи таҳсил дар як сол тақрибан € 5000 аст. Донишгоҳ дорои 10 факулта ва якчанд марказҳои тадқиқотӣ мебошад. Донишгоҳ 70 барномаро ба забонҳои англисӣ ва олмонӣ пешкаш мекунад, ки тақрибан тамоми ҷанбаҳои илми муосири академӣ – тиҷорат, иқтисод, илмҳои табиӣ ва муҳандисӣ, санъат, сиёсатшиносӣ ва ҳуқуқро дар бар мегиранд.
Донишгоҳи Дебреcен (University of Debrecen): маблағи таҳсил дар як сол € 6000 — € 8000. Яке аз беҳтарин донишгоҳҳои Аврупои Марказӣ. Донишгоҳ дорои 14 факултаест, ки беш аз 80 барномаро бо забони англисӣ пешниҳод мекунад: иқтисод ва тиҷорат, муҳандисӣ, информатика, илмҳои табиӣ ва технология, илмҳои гуманитарӣ, ҳуқуқ, мусиқӣ, тиб, дандонпизишкӣ, дорусозӣ, педагогӣ, беҳдоштӣ, кишоварзӣ, муҳити зист, ғизошиносӣ.
Ба ғайр аз хароҷоти омӯзиш, хароҷоти иловагиро барои хобгоҳ, ғизо, нақлиёт, алоқа ва ғайра ба назар бояд гирифт. Як соли хониш дар Латвия — 4000 евро, Лаҳистон/Чехия — 5000 евро, Маҷористон — 8000 евро, Олмон — 10300 евро ба ҳисоби миёна сарф мегардад.
