Шаҳрвандони хориҷие, ки барои ҳуқуқвайронкунии ночизи маъмурӣ аз ҳудуди Русия хориҷ карда шудаанд, бояд афв шаванд.
Артём Кирянов, муовини раиси Кумитаи сиёсати иқтисодии Думаи давлатии Русия дар суҳбат бо «Интерфакс» гуфтааст, афви муҳоҷирони кории қаблан ихроҷшуда барои қонуншиканиҳои ночиз ба ҳалли мушкилоти кадрӣ дар бахшҳои сохтмон ва хоҷагии манзилию коммуналӣ мусоидат мекунад.
Ба бовари ин вакил, айни ҳол дар бозори меҳнат, махсусан дар бахши сохтмон ва бахши нигоҳдории инфрасохтори низоми хоҷагии манзилию коммуналӣ норасоии кадрӣ ҷой доранд.
«Албатта, сухан дар бораи зарурати баргардондани одамоне нест, ки ба корҳои ғайриқонунӣ машғул буданд. Аммо, афви афроде, ки шарти будубошро вайрон кардаанд ва ё ҳуқуқвайронкунии маъмурӣ содир кардаанд, вале ба касе зарар нарасондаанд, ба назари ман, имконпазир аст.”,-таъкид намудааст ин вакил.
Владимир Ресин, вакили Думаи давлатӣ низ чанде қабл изҳор дошта буд, ки имкони эълони афв барои муҳоҷирони корӣ, ки қаблан барои нақзи низоми муҳоҷират ихроҷ шуда буданд, баррасӣ мешавад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
