Ҳафтаи таҳсили байналмилалӣ як имконият барои табодули байналмилалӣ дар тамоми гӯшаву канори ҷаҳон буда, чорабинии имсола аз 14 ноябр дар Душанбе оғоз гардида, то санаи 18-уми ҳамин моҳ идома мекунад. Маҳфили мазкур, ки дар Китобхонаи миллии Тоҷикистон ҷараён дорад, дар он муассисаҳои таълимӣ ширкат карда, ба ҳавасмандон оид ба барномаҳои таълимии худ ва имконоти таҳсил маълумот пешниҳод менамоянд.
Ҳафтаи таҳсили байналмилалӣ як имконият барои таҷлил намудани самараи таҳсил ва табодули таҳсили байналмилалӣ дар тамоми гӯшаву канори ҷаҳон буда, ташаббуси муштараки Департаменти давлатӣ ва Вазорати маорифи ИМА мебошад. Барномаҳои табодулӣ дар эҷод кардани ҳамдигарфаҳмиву эҳтироми якдигар, омода намудани пешвоён дар саросари дунё ва беҳтар намудани робитаҳои халқи Амрико бо халқҳои кишварҳои дигар нақши бениҳоят муҳимро мебозанд.
