Бисту панҷ намояндаи идораҳои давлатӣ ва бахши хусусӣ аз Қазоқистон, Қирғизистон, Тоҷикистон ва Узбекистон дар ҷараёни як сафари омӯзишӣ ба Фаронса ва Эстония бо таҷрибаҳои беҳтарини истифода аз низомҳои мудирияти электронии навбат (e-QMS) шинос шуданд.
e-QMS барои масъалаҳои марбут ба навбатпойии маъмулии ҷисмонӣ роҳҳалҳои рақамӣ пешниҳод мекунад, ба коҳиши навбатҳо дар марз ва терминалҳои нақлиётӣ мусоидат мекунад, ва муддати интизориро камтар мегардонад. Ин низом солҳо боз дар чанд кишвари аврупоӣ ба кор бурда мешавад ва ҷиҳати сарфаи маблағ ва вақт ба тоҷирон кӯмак карда, тарҳрезии амалиёти содиротиро осонтар мегардонад.
Сафари омӯзишӣ аз 5-ум то 10-уми сентябри соли 2022 сурат гирифт ва ба мақомоту коршиносони Осиёи Марказӣ аз соҳаҳои тиҷорат, гумрук ва логистика имкон дод, ки таҷрибаи ҳамкасбонашон аз Фаронсаву Эстонияро омӯзанд.
