Чемпионати ҷаҳон оид ба варзиши сабук, ки 15 июл дар шаҳри Юҷини штати Орегони ИМА оғоз гардид то 24 июл идома меёбад.
Иштирокчии Бозиҳои олимпии Токио-2020 Илдар Аҳмадиеви тоҷикистонӣ дар дав ба масофаи 100 метр намояндагӣ кард.
«Мусобиқа дар масофаи 100 метр миёни мардҳо 15-16 июл баргузор гардид. Илдар дар даври интихобӣ бо натиҷаи 10.66 сония дар дастааш дуюм шуда ба мара расид ва ба даври гурӯҳӣ роҳхат гирифт. Ӯ дар марҳилаи интихобӣ миёни 28 нафар 9-ум шуд. Вале дар даври дуюм дар гурӯҳаш натиҷаи 10.85 сонияро нишон дода, аз идомаи сабқат маҳрум шуд. Дар даври дуюм миёни 57 нафар 55-ум шуд.»,-хабар медиҳад Кумитаи олимпии Тоҷикистон.
Дар чемпионат, ки аз рӯи 49 мусобиқа (48 мусобиқа миёни мардон, 48 мусобиқа миёни бонувон ва 1 мусобиқаи омехта) баргузор мешавад, 1900 варзишгар аз беш аз 190 давлати дунё ширкат доранд.
