Тими “Истиқлол”-и Душанбе дар Чемпионати Тоҷикистон-2022 аввалин ғолибияташро ба даст овард. Дар даври ҳаштум Душанбе бар тими “Регар-ТадАЗ” бо ҳисоби 3:1 пирӯз шуд. Голҳои тими “Истиқлол”-ро Манучеҳр Ҷалилов, Рустам Соиров, Шервонӣ Мабатшоев ва голи дастаи “Регар-ТадАЗ”-ро Фатҳулло Фатҳуллоев вориди дарвоза кардаанд.
Ба иттилои Кумитаи олимпии Тоҷикистон тими “Хатлон”-и Бохтар дар майдони худ дастаи “Равшан”-и Зафарободро бо ҳисоби 1:0 мағлуб намуд. Голи пирӯзиовар дар дақиқаи 57-ум аз ҷониби Нуриддин Ҳамроқулов зада шуд.
Дербии Суғд миёни дастаҳои “Хуҷанд” ва “Истаравшан” бо натиҷаи минималии 1:0 ба фоидаи хуҷандиҳо анҷом ёфт. Голи ягонаро Фирдавс Чақалов ба номаш сабт кард.
Дар бозӣ миёни дастаҳои КМВА – “Файзканд” ғолиб муайян нашуд. Вохурии дастаҳои мусовӣ – 2:2 анҷом ёфт.
Як бозии дигари даври ҳаштум рӯзи 22 май миёни дастаҳои “Эсхата” — “Равшан”-и Кӯлоб баргузор хоҳад шуд.
