Дар пасманзари идомаи танишҳо дар Ховари Миёна нархи ҷаҳонии нафт тамоюли болоравиро нигоҳ дошта, 10 март бо бештар 7% афзоиш ёфт.
Аз ҷумла, нархи нафти навъи Brent crude oil ба 97,60 доллар барои як баррел расид, ки 7,47% бештар аст (ё ба андозаи 6,92 доллар барои ҳар баррел афзоиш). Нархи нафти навъи West Texas Intermediate (WTI) бошад, ба 96,56 доллар барои як баррел расид, ки 6,23% бештар аст (ё 5,66 доллар барои ҳар баррел афзоиш).
Дар оғози савдо нархи нафти Brent муваққатан то 119,50 доллар барои як баррел боло рафт, нархи нафти WTI низ ба 119,48 доллар барои як баррел расид.
Нигаронӣ вуҷуд дорад, ки болоравии босуръати нархи энергия метавонад фишори беқурбшавиии ҷаҳониро зиёд карда, ба рушди иқтисодӣ таъсири манфӣ расонад.
Аз замони оғози ҳамлаҳои ҳавоии ИМА ва Исроил ба Эрон, нархи нафти Brent 65% ва нархи WTI тақрибан 78% афзоиш ёфтааст.



