Нерӯҳои ҳарбӣ-баҳрии Фаронса дар қисми ғарбии баҳри Миёназамин танкери нафткаши русии GRINCH-ро боздоштанд, ки эҳтимолан ба «флоти соягӣ»-и Русия мансуб аст. Амалиёт миёни соҳили ҷанубии Испания ва соҳили шимолии Марокаш анҷом ёфтааст.
Президенти Фаронса Эмманюэл Макрон изҳор доштааст, ки ҳангоми анҷоми амалиёт Фаронсаро чанд муттаҳид, аз ҷумла Британияи Кабир пуштибонӣ карданд. Ба гуфтаи ӯ, ин киштӣ таҳти таҳримҳои байналмилалӣ қарор дорад ва эҳтимолан бо парчами дурӯғин ҳаракат мекард.
Прокуратураи Марсел дастур додааст, ки масири танкер тағйир дода шуда, он барои гузаронидани санҷишҳои иловагӣ равона карда шавад.
Ба иттилои dw, ҷониби Русия расман огоҳ карда нашудааст. Моҳи октябр Фаронса дар соҳили ғарбии худ як танкери дигареро, ки таҳти таҳримҳо қарор дошт, боздошта буд, аммо баъд аз чанд рӯз он киштӣ озод карда шуд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
