Додгоҳи ислоҳии Париж ҳунарпешаи фаронсавӣ Жерар Депардеро ба 18 моҳ ҳабси шартӣ барои парвандаи таҷовуз дар сабти филм дар соли 2021 маҳкум кард, хабар медиҳад BFMTV.
Депардеро дар таҷовуз ба занони 54 ва 34-сола — ороишгар ва ёвари коргардон, ки узви гурӯҳи филми «Пардаҳои сабз» буданд, гунаҳкор донистанд ва шикоятҳои онҳоро суд баррасӣ кард.
Илова бар ин, Депардеро аз ҳуқуқoи шаҳрвандӣ ба муддати ду сол маҳрум карданд ва ба феҳристи ҷинояткорони ҷинсӣ ворид карданд.
Моҳи март, додситонӣ барои ҳунарпеша 18 моҳ ҳабси шартӣ ва ҷаримаи 20 ҳазор евро талаб карда буд.
Депардеро дар таҷовуз ба ҳунарпеша Шарлотта Арну низ гумонбар мекунанд. Аммо ҳунарпеша ҳамеша ҳама гуна айбҳоро рад кардааст.
Ҳамлаҳо дар матбуот ва тафтишоти нави судӣ нисбат ба Депарде пас аз он оғоз ёфт, ки моҳи апрели соли 2023 нашрияи Mediapart матлаберо нашр кард, ки дар он шоҳидӣ аз 13 зан ҷамъ оварда шудааст, ки иддао доранд бо амалҳои ҷинсии ҳунарпеша рӯ ба рӯ шудаанд. Сухан дар бораи ҳодисаҳое меравад, ки дар майдонҳои сабти 11 филм ва силсилафилмҳо дар соли 2004 то 2022 рух додаанд.
