Конфедератсияи футболи Осиё ҷадвали бозиҳои Ҷоми КФО (U-17)-2025-ро, ки аз 3 то 20 апрел дар Арабистони Саудӣ баргузор мешавад, тасдиқ ва нашр кард.
Дар қуръакашии мусобиқот мунтахаби наврасони Тоҷикистон (U-17) дар гурӯҳи «D» қарор гирифт. Рақибони тими мо дастаҳои Эрон, Уммон ва Кореяи Шимолӣ хоҳанд буд.
Дастаи мо нахустин бозии худро дар Ҷоми Осиё-2025 5 апрел бо тими наврасони Уммон анҷом медиҳад. Дар даври дуюм шогирдони Марко Раҷини 8 апрел бо ҳамсолони худ аз Кореяи Шимолӣ бозӣ хоҳанд кард. Дар даври ниҳоии марҳилаи гурӯҳӣ 11 апрел тими наврасони Тоҷикистон бо дастаи Эрон вомехӯрад.
Бар асоси натиҷаи марҳилаи гурӯҳӣ аз ҳар гурӯҳ ду тими беҳтарин ба даври чаҳорякниҳоии Ҷоми Осиё-2025 роҳ меёбанд. Ҳамаи иштирокчиёни даври чаҳорякниҳоӣ роҳхати чемпионати ҷаҳон-2025 миёни наврасонро, ки аз 5 то 27 ноябр дар Қатар баргузор мешавад, соҳиб мегарданд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
