Директори генералии Google ба кормандонаш маслиҳат дод, ки ба душвориҳои соли 2025 омода шаванд.
Директори генералии Google Сундар Пичай дар ҷаласаи рӯзи 18 декабр гуфтааст, соли 2025 нуқтаи гардиш дар рушди зеҳни сунъӣ хоҳад буд. Ба гуфтаи ӯ, рақобати шадид, тафтишоти зиддиинҳисорӣ аз мулшкилоти ҷиддӣ ҳастанд.
Пичай аҳамияти тезонидани суръати тараққиёт ва ҳалли проблемаҳои тезутунди истифодабарандагонро таъкид намуд. Ширкат зери фишори даъвоҳо қарор дорад: дар моҳи август Google барои монополияи ғайриқонунӣ дар бозори ҷустуҷӯ гунаҳкор дониста шуд. Даъвоҳои зиддиинҳисорӣ аз ҷониби мақомоти Бритониё низ ба миён омадаанд. Ин баҳсҳо, ба гуфтаи Пичай, ба миқёси тиҷорати Google ва таъсири технология ба ҷомеа иртибот доранд.
Сарфи назар аз бартарияти бозори муҳаррики ҷустуҷӯ, пайдоиши AI боиси пайдоиши рақибони қавӣ ба монанди OpenAI ва Perplexity гардид.
Пичай иқрор шуд, ки Google метавонад дар соли 2025 аз рақибони худ каме қафо равад, аммо изҳори итминон кард, ки беҳтарин маҳсулотро дар бозор эҷод кунад.
