Стивен Мнучин, собиқ вазири молияи ИМА пешниҳод дорад, ки сармоягузорон барои ба даст овардани шабакаи иҷтимоии TikTok муттаҳид карда шаванд. Вай дар ин бора ба телевизиони NBC изҳори назар кард.
“ТикТок бояд фурӯхта шавад. Ин як тиҷорати бузург аст ва ман нақша дорам, ки гурӯҳеро барои харидани TikTok ҷамъ оварем.”,-гуфт ӯ.
Вай қабули лоиҳаи қонун дар бораи эҳтимоли манъи ТикТок-ро низ истисно накардааст.
Дар миёнаҳои моҳи март номзад ба мақоми президентии ИМА Доналд Трамп гуфт, ки ТикТок ба амнияти миллии кишвар таҳдид мекунад.
Қабл аз ин, Ҷо Байден, раиси ҷумҳури Амрико гуфта буд, ки дар сурати тасвиби ин санад аз сӯи Конгресс тарҳи қонунеро имзо хоҳад кард, ки TikTok-ро дар кишвар мамнӯъ мекунад.
Рӯзи 8 март Кумитаи Конгресси ИМА оид ба тиҷорат ва энергетика якдилона лоиҳаи қонунеро тасвиб кард, ки метавонад ба манъи ТикТок дар ИМА оварда расонад.
