Зеҳни сунъӣ (AI) метавонад матну идеяро пешниҳод кунад. Вале ин метавонад боиси гум шудани мавқеъи шумо дар коратон гардад, донишу малака ва тавонмандии шуморо нодуруст муаррифӣ намояд. Истифодаи зеҳни сунъӣ ба монанди ChatGPT ва системаҳои монанд барои навиштани корҳои донишҷӯён вақтҳои охир ба як таҷрибаи маъмул табдил ёфтааст.
Вале бояд донист, ки вақте кори курсӣ, рисолаи дипломӣ ё илмӣ аз ҷониби зеҳни сунъӣ навишта мешаваду донишҷӯ дар он саҳме намегузорад, як амали бад аст.
Chat GPT, ки ҳатто дар Telegram дастрас аст, бо ворид кардани дархост ба шумо тавзеҳотро бо истинод ва манбаъҳо пешниҳод месозад.
Вале бояд донист, ки гоҳо истинод аз сомонаҳои номатлуб, блогҳо, матбуоти зард пешниҳод мешаванд.
Ҳангоми истифодаи зеҳни сунъӣ (AI) барои таҳияи реферат, мақолаҳои илмӣ ё рисолаҳо хатарҳои муайян мавҷуданд.
Яке аз хатарҳо аз даст додани аслият ва ҳақуқи муаллифист. Хавфи дигар ин санҷиши нокифояи сифат ва эътимоднокии маълумот мебошад. Зеро, зеҳни сунъӣ (AI) қодир нест манбаъҳои иттилоотеро, ки бо он кор мекунад, ба таври кофӣ арзёбӣ ва тафтиш кунад. Шояд маълумоти беэътимод ё нодуруст вуҷуд дошта бошад, ки метавонад ба натиҷаҳо ва хулосаҳои кори шумо таъсири манфӣ расонад.
Инчунин хатари аз даст додани эҷодкорӣ ва тафаккури интиқодӣ вуҷуд дорад. Вақте ки AI навиштан ё таҳлили маълумотро ба ӯҳда мегирад, донишҷӯён метавонанд имкониятҳои рушди малака ва тафаккури худро, ки барои корҳои тадқиқотӣ муҳиманд, аз даст диҳанд.
Илова бар ин, хатар дар он аст, ки истифодаи зеҳни сунъӣ (AI) метавонад ба хулосаҳои нодуруст ё беасос оварда расонад. Зеро, хулосаҳои тадқиқот бояд ба таҳлили мувофиқ ва ҳамаҷониба асос ёбанд, ки зеҳни сунъӣ (AI) на ҳамеша онро таъмин мекунад.
Ҷанбаи муҳими раванди тадқиқот ин мубодилаи афкор, муҳокима ва гирифтани фикру мулоҳизаҳои дигарон мебошад. Истифодаи танҳо зеҳни сунъӣ (AI) метавонад донишҷӯёнро аз имкони гирифтани шарҳҳои арзишманд ва танқиди созанда маҳрум созад.
Зарина Ходжимуратова, мутахассиси соҳаи техналогияи иттилоотӣ мегӯяд, навиштани реферат ба ин маъност, ки мо донишҳои андӯхтаро дар биёрем. Вале вақте донишҷӯ бидуни ҳиссагузорӣ дар навиштани матн аз зеҳни сунъӣ истифода мекунад, пас, мутахассиси соҳаи худ нахоҳад шуд.
Барои анҷоми кори бошарафона истифодаи зеҳни сунъӣ дуруст нест!
Аксҳо аз шабакаи интернет
Маълумоти бештар эксплейнери мо:
