Паҳн гардидани воситаҳои нашъадор дар қолаби ширинӣ назди мактабҳо воқеият дорад?

Чандест дар шабакаҳои иҷтимоӣ овозае мубодила мешавад, ки гӯё аз ҷониби як гурӯҳи ҷиноятпеша ба кӯдакон дар назди муассисаҳои таълимӣ, воситаҳои нашъадорро дар шакли ширинӣ тақсим мегардад.

Ин маълумот аз ҷониби кормандони Раёсати ВКД дар шаҳри Душанбе мавриди санҷиш қарор гирифтааст. Ин мақом ҷой доштани чунин ҳолатро рад кардааст.

Вобаста ба ин, милитсияи пойтахт аз шаҳрвандон даъват намудаст, ки ба ҳар овозаю хабарҳои беасос бовар накунанд. Ҳамзамон бо паҳну бознашр намудани чунин хабарҳои бардуруғ боиси таҳлука ва ташвиши шаҳрвандон нагарданд.