Аргентина дар бозии 1/8 ниҳоии Ҷоми ҷаҳонии футбол дар Қатар бар Австралия пирӯз шуд. Вохӯрӣ бо ҳисоби 2:1 анҷом ёфт.
Лионел Мессӣ дар нимаи аввали бозӣ (дақиқаи 35-ум) ҳисобро боз кард. Барои футболбози 35-сола ин аввалин голи Аргентина дар плей-офф дар Ҷоми ҷаҳонии футбол аст. Месси инчунин бозии 1000-умро дар карераи худ анҷом дод ва аз рӯи шумораи голҳо аз Марадона ва Криштиану Роналду гузашт.
Дар нимаи дуюм, ҳамлагар Ҷулиан Алварес пас аз иштибоҳи дарвозабони австралиягӣ Мэтю Райан бар Аргентина ду баробар кард.
Голи ягонаи Австралияро дар ин дидор нимҳимоятгар Крейг Гудвин дар дақиқаи 77-ум ба самар расонд.
Дар даври чорякниҳоии Ҷоми ҷаҳонии футбол дар Қатар мунтахаби Аргентина бо Ҳолланд, ки қаблан бар ИМА (3:1) пирӯз шуда буд, вомехӯрад. Ин бозӣ 9 декабр баргузор мешавад.
