CАЙЁҲАТХоҷа Машҳад: мадрасае, ки Носири Хусрав онҷо таълим гирифтааст

Хоҷа Машҳад: мадрасае, ки Носири Хусрав онҷо таълим гирифтааст

-

Мавзеи ёдгории таърихии Хоҷа Машҳад дар деҳаи Сайёди ҷамоати деҳоти Талбак Садриддинови ноҳияи Шаҳритус воқеъ гардидааст. Мадрасаи Хоҷа Машҳади бостонӣ таърихи беш аз ҳазорсола дошта, донишманд ва файласуфи бузург Ҳаким Носири Хусрави Қубодиёнӣ дар ин мадраса таҳсили илм кардааст. Мадраси Хоҷа Машҳад аз як айвон ва ду манораву ду гумбад иборат аст. Бинои Мадраса пурра бо хишти пухта сохта ва оро дода шудааст,  ки ҳануз ҳам тарҳи меъмории он барои бинанда ҳайратангез аст.

Мадраса ва мақбара яке аз намунаҳои қадимаи санъати меъмории халқи тоҷик мебошад. Мақбараи Хоҷа Машҳад ҳамчун номзад ба Феҳристи мероси фарҳангии умумибашарии ЮНЕСКО дохил карда шудааст. 

Таърихшиносон мегӯянд, афроди бешуморе дар Мадрасаи Хоҷа Машҳад таълими динӣ ва дунявӣ гирифтаанд, вале асрҳои 13 зимни истилои муғулҳо 54 нафар дар ин мадраса кушта гардида, ҳамагӣ дар дохили мадраса дафн шудаанд.

Рустам Сафарзода, таърихшинос дар вилояти Хатлон мегӯяд, Мадрасаи Хоҷа Машҳад дар асрҳои 9-11 бунёд ёфта, он замон машҳуртарин маркази илм дониста мешуд.

Давлатмурод Азимов, нигаҳбони Хоҷа Машҳад ёдовар мешавад, ки қисми бинои мадраса дар замони бесарусомониҳои ҷанги шаҳрвандии солҳои наваддум тариб гардида буданд.  

Аввалин маротиба соли 2001 ва баъдан соли 2006 то кунун корҳои тармими барқарорсозӣ идома мекунад.

Ҳоло ин мавзеи ёдгории таърихӣ ба як макони сайёҳӣ табдил гардида,  ҳамасола сайёҳони зиёд ба инҷо ташриф меоранд.

Давлатмурод Азимов гуфт, ба хотири нигоҳ доштани бозёфтҳои Хоҷа Машҳад дар даромадгоҳи он осорхонаи хурд бунёд шудааст, ки бозёфтҳо онҷо нигоҳ дошта мешаванд.

Мадрасаи Хоҷа Машҳад бо қарори Ҳукумати Ҷумҳурии Тоҷикистон ба рӯйхати ёдгориҳои таърихию фарҳангӣ шомил гардида, сафорати ИМА дар Тоҷикистон барои барқарор сохтани ин макони таърихӣ 106 ҳазор доллар  кумак кардааст.

Муаллиф: Амонҷон Муҳиддинов

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
1
+1
0
+1
0
+1
0
+1
0
+1
0

ХАБАРҲОИ ОХИРИН

Дастгирии лоиҳаи занони осепазир: таҷҳизоти хайётию пӯхтупаз ва чорво

Рисолат (номи шартӣ) хушунат дидааст. Ӯ ҷойи зист надорад ва дар бинои як муассисаи давлатӣ зиндагӣ мекунад. Ин зан дар...

Роҳандозии тарҷумони худкор дар WhatsApp

WhatsApp тарҷумони худкорро ба забони русӣ ва дигар забонҳо барои дастгоҳҳои Android ҷорӣ кард. Дар ин бора WABetaInfo (WBI)...

Redmi K70 Ultra бо нишони Lamborghini

Xiaomi эълон кард, ки смартфони Redmi K70 Ultra бо нишони Lamborghini пешниҳод месозад.  Интизор меравад, ки муаррифии модели  Redmi K70...

Эълони пардохти кумакпулӣ дурӯғ аст!

Эълон оид ба пардохти маблағ барои нафарони солҳои 1990-2024 фаъолияткарда асосӣ воқеӣ надорад. Вазорати меҳнат, муҳоҷират ва шуғли аҳолӣ бо...
spot_imgspot_img

77%-и кӯдакон дар Суғд ба кӯдакистон намераванд

Дар минтақаи Суғд 45 ҳазор кӯдак ба муассисаҳои томактабӣ фаро гирифта шудаанд. Давоми як соли охир фарогирӣ ба кӯдакистонҳо...

Таҳсили духтарон. Кадом мушкилиҳо вуҷуд дорад?

Моҳиолам Каримова аз минтақаи дурдасти кишвар аст. Бо вуҷуди ин, тавонист дар коллеҷи тиббии ноҳияи Рашт шомил гардад. Ӯ...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад