МУВАФФАҚИЯТКандакорӣ дар қисми низомӣ (Видео)

Кандакорӣ дар қисми низомӣ (Видео)

-

Дар рафти хидмати ҳарбӣ соҳиби шаҳодатномаи ронандагӣ гардидан дар қисмҳои низомӣ зиёд мушоҳида мегардид. Ҳамчунин як гуруҳе аз сарбозон дар қисми низомӣ сохтмончӣ мегарданд.

Кандакорӣ, ки як ҳунари миллӣ маҳсуб мегардад, танҳо дар  қисми ҳарбии 35/02-и Раёсати Қӯшунҳои дохилаи ВКД омӯзонида мешавад. Сарбозон баъди адои хидмат ба ҷуз билети ҳарбӣ боз бо як ҳунар ба хона бармегарданд.

Абдулазиз Гадоев, ки таҷрибаи чиҳилсолаи  кандакорӣ дорад, соли сеюм аст дар қисми ҳарбии 35/02-и Раёсати Қӯшунҳои дохилаи ВКД фаъолият дорад. Ӯ дар ин қисми низомӣ Шуъбаи кандакорӣ ва дуредгариро боз намуда, ба сарбозон аз нозукиҳои ҳунар мегӯяд ва муҳаббати касбро дар қалбашон ҷой месозад.

“Шавқу ҳавас доштан дар кандакорӣ муҳим аст. Ба хусус, дар лавҳаҳои маҳину рез, ки хеле борикбинӣ ва сабри комилро металабад. Вале агар шавқ бошад, сабр худ пайдо мешавад ва дидани самараи кор бар ин ҳама қувват мебахшад.”, — мегӯяд устои кандакор.

Ӯ мегӯяд, имрӯз бедор кардани шавқи ҷавонону сарбозон мушкил буда, ягона роҳ- нишон додани натиҷа аст то дилгарм шаванд.

“Замоне бобои модариам ба ин касб машғул буд ва шабу рӯз бо чӯбу тахта кор мекард. Андеша мекардам, ки ӯ пир шудааст ва аз бекорӣ кандакорӣ мекунад. Вале пас аз хатми синфи 8-ум аз Осорхонаи Камолиддин Беҳзод дидан кардам ва кандакориҳои онҷоро дида, назарам ба ин касб комилан тағйир кард. Дарки ҳунари кандакорӣ ва чӣ андоза зебову диққатҷалбкунанда будани онро ҳамон вақт пай бурдам. Ва имрӯз аз ин таҷрибаам дар қисми ҳарбӣ истифода мебарам.”, — мегӯяд Усто.

Усто Азиз маҳорати ҳар як сарбозро бо талошу шавқу шӯраш омӯхта, ҳамаи онро ба назар мегирад. Сарбозон дар алоҳидагӣ ва ҳамчунин дастаҷамъона корҳои амалӣ анҷом медиҳанд. Як гурӯҳи аскарон аллакай нозукиҳои касбро омӯхтаанд ва мустақилона ба кандакории маҳин машғуланд. Мизу курсӣ, ҷевон, тирезаву дарҳои яктабақаву дутабақа ва лавҳаҳои рез назире аз маҳсули дасти сарбозон аст.

Офаридаи аскарон дар бойгонии қисми ҳарбӣ нигоҳ дошта мешавад ва дар ҳар ҷашну маросим низ муаррифӣ мегардад. Агар ҳар ончи барои истифодаи шахсӣ лозим ояд, онҳо дар фориғӣ месозанд.

Усто Азиз мегӯяд, дар ҳунари кандакорӣ ҳар як компазитсия қаблан рассомӣ мешавад. Бинобар ин, ҳунари рассомӣ доштани наҷҷор хеле муҳим аст. Инчунин ӯро мебояд аз зебоии табиат истифодаи хуб намояд. Он вақт ки нақшаи кор омода шуд, онро рӯи тахта мебардорад ва боҳавсала коркард мекунад.

“Барои омода сохтани як лавҳаи гулкории бо андозаи ба 0.80 х1.20 м 3 рӯз лозим меояд ва агар онро гурӯҳи сарбозон дастаҷамъона омода созанд, 1 рӯз кифоят мекунад.”, — меафзояд усто.

Ба гуфтаи ӯ, кори дастаҷамъонаи сарбозон диданӣ ва шавқовар аст. Вале дар байни онон ҷавонони камҳавсала ва камсабр низ пайдо мешавад. Ҳамчунин нафароне низ ҳастанд, ки ба кафшергариву дуредгарӣ ё ба таъмири мошин рағбат доранду ба корҳое нозуку заҳматталаб мисли кандакорӣ майле намекунанд.

Усто Азиз ба шогирдон таъкид мекунад, ки “аз чӯб ҳама чиз сохта мумкин аст, аз дасти ҳар як инсон бармеояд ва кори ғайримумкин дар олам вуҷуд надорад.”

Меҳрофарин НАҶИБӢ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Иштироки 266 гӯштингир дар Чемпионати Тоҷикистон оид ба гӯштин

Дар Чемпионати Тоҷикистон оид ба гӯштин 266 варзишгар (175 нафар аз рӯи гӯштини тарзи озод, 91 нафар аз рӯи...

Навгонӣ дар месенҷери «WhatsApp»

Месенҷери WhatsApp вокунишҳои корбаронро дар гурӯҳҳо илова мекунад. Таҳиягарони мессенҷери WhatsApp хусусиятеро озмоиш мекунанд, ки ба истифодабаранда имкон медиҳад, ки...

Ноутбук Fujitsu бо вазни 689 гр

Ширкати Ҷопонии Fujitsu ноутбуки UH-X/H1-ро бо экрани 14 дюймӣ муаррифӣ кард, ки вазнаш ҳамагӣ 689 грамм аст, ки яке...

Шикасти мунтахаби ҷавонони Тоҷикистон аз бошгоҳи “Бухоро”

Дастаи мунтахаби ҷавонони Тоҷикистон (U-20) таҳти раҳбарии мутахассиси белорус Олег Кубарев дар ҷамъомади таълимиву тамринӣ дар Анталия бозии дуввуми...
spot_imgspot_img

Ҷоми ФФТ-2023: дар даври аввал кӣ пирӯз гардид?

Бозиҳои даври дуввуми марҳилаи муқаддамотии Ҷоми ФФТ-2023 дар минтақаи Душанбе 29 январ оғоз гардида, имрӯз, 30 январ хотима меёбанд. Соати...

Дандонпизишк ва роҳбари созмони ҷавонони тоҷик дар Новосибирск

Умар Шеров солҳои 2015-2022 яке аз донишгоҳҳои тиббии Русияро хатм кард, аз замони донишҷӯӣ ба кори амалӣ машғул буд...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад