Доварони Тоҷикистон барои ҳакамии бозии Лигаи қаҳрамонҳои Осиё-2024/25 таъйинот гирифтанд.
Ҳайати доварони Тоҷикистон таҳти роҳбарии довари ФИФА Гулмуроди Саъдулло бозии даври ҳаштуми марҳилаи гурӯҳии Лигаи қаҳрамонҳои элитаи КФО-2024/2025 дар минтақаи Ғарб байни бошгоҳҳои «Ал-Райян» (Қатар) ва «Истиқлол» (Эрон)-ро, ки 18 феврал дар Давҳа доир мешавад, доварӣ менамояд.
Ба иттилои ФФТ, ёварони довар Ҳасан Каримов ва Фарҳод Куралов кӯмак мекунанд. Довари ФИФА Сайёдҷон Зайниддинов довари эҳтиётӣ таъйин шуд. Насрулло Кабиров дар VAR кор карда, Абдулло Давлатов ёвари VAR хоҳад буд.
Илова бар ин, довари ФИФА Сайёдҷон Зайниддинов довари эҳтиётии бозии аввали даври 1/8 ниҳоии Лигаи қаҳрамонҳои дуюми Осиё-2024/2025 байни дастаҳои «Муангтонг Юнайтед» (Тайланд) ва «Лион Сити Сейлорс» (Сингапур) интихоб шуд. Ин дидор 13 феврал дар Бангкок баргузор мешавад.
Акс аз саҳифаи фейсбукии ФФТ
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
