Ғафор Носиров соли 2012 ба асари фишорбаландӣ фалаҷ шуда, як тарафи баданаш аз ҳаракат монд. Ҳудуди чаҳор моҳ роҳ гашта наметавонист. Баъдтар бо асобағал роҳ рафтанро таҷриба кард. Барояш хар харидорӣ карданд ва болои он мебастанду ба кӯча мебурданд. Соли 2013 бо тавсияи духтурон аз ба дучархаронӣ пардохт ва сиҳатиашро барқарор кард. Ҳоло худро комилан бардам эҳсос мекунад ва ҳамарӯза 50-60 км роҳро бо дучарха ва 4-5 км роҳро пиёда тай менамояд.
Соли гузашта аз маркази ноҳияи Темурмалик ба дучарха то ноҳияи Ховалинг расид ва дар роҳи баргашт тариқи Кӯлоб ва ноҳияи Восеъ ба Темурмалик.
Ғафор Носиров 66 сол дошта, дар ноҳияи Темурмалик зиндагӣ мекунад.
Дар дучархааш ду ҷой барои наберагонаш таҳия карда, ҳар шом онҳоро ба саёҳат ва аёдати дӯстону пайвандон мебарад. Ба бовари Ғафор Носиров, дучархасаворӣ боиси бақарор гардидани сиҳатиаш шуд.
Шералӣ Давлатов
