20-уми октябри соли равон Ҷамолиддин Абдуллозода, вазири тандурустӣ ва ҳифзи иҷтимоии аҳолӣ бо рафти хизматрасонии тиббӣ дар Беморхонаи марказии шаҳри Панҷакент аз наздик шинос гашт. Ба иттилои маркази матбуоти вазорати тандурустӣ, вазир дар беморхонаи мазкур бо фаъолияти шуъбаҳо, аз ҷумла шуъбаҳои эҳё, гемодиализ ва эндоҷарроҳӣ пас аз таъмир дидан карда, бо ҳолати таҷҳизотҳои тиббӣ ва шароиту имкониятҳои онҳо шинос гашт.
Иттилоъ дода шуд, ки айни ҳол корҳои таъмирӣ дар шуъбаи нейроҷарроҳии Беморхонаи марказии шаҳри Панҷакент ва Беморхонаи минтақавии Рукнобод дар арафаи анҷомёбӣ қарор доранд.
Баъдан, зимни суҳбат бо масъулини Беморхонаи марказии шаҳри Панҷакент Ҷамолиддин Абдуллозода як қатор масъалаҳои муҳими соҳаро, аз қабили пешгирии фавти модару кӯдак, таъминотнокӣ бо мутахассисони соҳа ва ба курсҳои бозомузиву давраҳои омӯзишӣ фаро гирифтани табибон, ба роҳ мондани усулҳои нави ташхису табобат, назорати қатъии беморон, аз ҷумла беморони дар ҳолати вазнин қарордошта, саривақт ҷавоб додан ба муроҷиати шаҳрвандон, истифодаи дурусти таҷҳизотҳои тиббӣ, омодагӣ ба зимистонгузаронӣ ва дигар масъалаҳоро баррасӣ намуда, баҳри рафъи мушкилоту камбудиҳои ҷойдоштаи соҳа ба роҳбарияти муассисаи тандурустии шаҳри мазкур дастуру супоришҳои мушаххас додааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
