Судии ноҳияи Таганскии шаҳри Маскав ширкати Apple-ро 500 ҳазор рубл ҷарима кард. Apple тибқи қисми 1.1 моддаи 13.31 Кодекси ҳуқуқвайронкуниҳои маъмурии Русия барои такроран вайрон кардани талаботи марбут ба паҳн намудани иттилоот ба ҷавобгарии маъмурӣ кашида шудааст. Ин модда ба риоя накардани талаботи огоҳ намудани мақомоти ваколатдор дар бораи оғози фаъолияти низомҳои иттилоотӣ дахл дорад. Ҷазои ҳадди аксар тибқи ин модда то 1 миллион рублро ташкил медиҳад.
Ин бори аввал нест, ки Apple дар Русия ҷарима мешавад. Моҳи март низ додгоҳи Маскав ширкатро барои вайрон кардани тартиби маҳдудсозии дастрасӣ ба иттилооти мамнӯъ дар Русия 3,5 миллион рубл ҷарима карда буд.
Ёдовар мешавем, ки 25 июн Apple аз мағозаи барномаҳои App Store як қатор барномаҳои ширкати VK, аз ҷумла ВКонтакте, Дзен, VK Video, VK Мессенджер, VK Music, VK Знакомства ва Одноклассники-ро хориҷ кард.
