Исроил 730 миллион долларро ҷудо кардааст то бо сухан ва дипломатияи иттилоотӣ обрӯяшро барқарор кунад. Қонунгузоронаш буҷаи миллии соли 2026-ро тасдиқ карданд, ки тақрибан 730 миллион долларро барои дипломатияи ҷамъиятӣ, ки ба забони ибронӣ «ҳасбара» ном дорад, дар бар мегирад. Ба иттилои timesofisrael.com, ин хароҷоти бесобиқа дар ҳолест, ки як қатор пурсишҳо нишон медиҳанд, ки ҷонибдорӣ аз Исроил дар Амрико- муттаҳиди асосии он коҳиш меёбад. Пурсиши Pew Research Center, ки аввали ҳамин моҳ нашр шуд, нишон медиҳад, ки 60%-и амрикоиҳо ҳоло ба Исроил бо назари манфӣ менигаранд . Ин омор нисбат ба як соли гузашта 7 банди фоизӣ зиёд будааст.
Ҳатто 57%-и ҷумҳурихоҳони то 50-сола нисбат ба Исроил назари манфӣ доштаанд. Ҷонибдорӣ дар миёни афроди бедин, протестантҳои сиёҳпӯст ва католикҳо низ коҳиш ёфтааст. Дар миёни яҳудиёни амрикоӣ низ сатҳи дастгирӣ кам шудааст.
Тибқи иттилои расмӣ, соли гузашта Исроил маблағҳоро сарф кардааст.
— 50 миллион доллар барои таблиғоти байналмилалӣ дар шабакаҳои иҷтимоӣ, аз ҷумла дар Google, YouTube, X ва Outbrain;
— тақрибан 40 миллион доллар барои даъвати 400 ҳайати хориҷӣ — қонунгузорон, рӯҳониён, инфлюенсерҳо ва ректорони донишгоҳҳо;
— таъсиси «ҳуҷраи ҷанги иттилоотӣ» барои назорати 250 расона ва 10 000 маводи рӯзона вобаста ба Исроил.
