Маркази миллии тестии назди Президенти Тоҷикистон барои омода кардани мутахассисони мувақатиаш шурӯъ кардааст.
Сомонаи ин марказ хабар медиҳад, ки барои роҳбарон, ёварони роҳбарон ва бақайдгирандагони нуқтаҳои бақайдгирӣ омӯзиш мегузаронад.
Мувофиқи нақша дар 34 шаҳру ноҳия 40 нуқтаи бақайдгирии доимамоалкунанда бо теъдоди 142 истгоҳи корӣ ва дар 26 шаҳру ноҳияи дигар нуқтаҳои сайёри бақайдгирӣ таъсис мегардад.
Тибқи эълон бо тариқи электронӣ 412 нафар хоҳишманд бо мақсади иштирок дар озмун барои кор дар нуқтаҳои бақайдгирӣ дархост гузошта, аз ин теъдод 380 нафар ба омӯзиш ҷалб мегарданд.
Дар асоси озмун номзадҳои мувофиқ барои кор дар нуқтаҳои бақайдгирӣ интихоб карда мешаванд, ки шумораашон 220 нафарро ташкил хоҳад дод. Бояд гуфт, бақайдгирии довталабон барои иштирок дар имтиҳонҳои марказонидаи дохилшавӣ аз 1-уми марти соли 2022 дар Ҷумҳурии Тоҷикистон оғоз меёбад.
Акс аз сомонаи www.ntc.tj
