Грета Тунберг дар қатори 171 фаъоле, ки самти Ғазза мерафт, ба Аврупо бозгашт.
Баъзе аз иштирокчиёни флоти «Сумуд» ки аз ҷониби Исроил боздошт шуданд, аз шиканҷа ва поймолшавии ҳуқуқи худ шикоят карданд. Аз ҷумла, Грета Тунберг мегӯяд, нерӯҳои исроилӣ аз мӯйи ӯ кашида ба назди флаги ин кишвар бурданд то онро бибӯсад. Вале ӯ ин амалро анҷом надодааст.
Мақомоти Исроил 171 фаъоли “Флоти Сумуд”-ро ихроҷ карданд. Ин гурӯҳ талош дошт, ки садди Исроил дар атрофи Ғаззаро шиканад ва ба гуфтаи созмондиҳандагон, барои мардуми Фаластин кумакҳои башардӯстона мебурд.
Дар байни нафарони аз кишвар ихроҷшуда фаъоли маъруфи муҳити зист аз Шветсия Грета Тунберг низ қарор дошт. Ӯ ҳанӯз дар моҳи июн ҳам кӯшиш карда буд, ки тавассути баҳр ба минтақаи Фаластин бирасад, вале он вақт низ аз ҷониби низомиёни исроилӣ боздошт шуда буд.
Тибқи изҳороти Исроил, дар маҷмӯъ 479 иштирокчии флот аз 44 кишвари ҷаҳон боздошт шудаанд. Ба гуфтаи низомиёни исроилӣ, дар 40 киштии боздоштшуда ҳамагӣ 2 тонна кумакҳои башардӯстона ёфт шудааст, дар ҳоле ки интиқоли чунин кумак ҳадафи асосии сафар эълон шуда буд.
Киштиҳое дар миёнаи моҳи сентябр, бо вуҷуди ҳушдорҳои Исроил, ки киштиҳо иҷозаи наздик шудан ба соҳилҳои анклавро надоранд, ба роҳ баромада буд. Дар он ҷо амалиёти ҷангӣ идома доранд.
