Дирӯз, 29 ноябр дар Ҷоми ҷаҳонии футбол-2022 дар Қатар чаҳор бозии аввали даври сеюм баргузор шуд. Пас аз ин бозиҳо чаҳор даста муайян шуданд, ки ба плей-офф роҳ ёфтанд. Инчунин чор мағлуби мусобиқа мушаххас шуд.
Дар мусобиқот дастаҳои гурӯҳҳои А ва В бозии сеюми худро анҷом доданд.
Гурӯҳи А
Эквадор — Сенегал — 1:2.
Ҳолланд – Қатар – 2:0.
Гурӯҳи В
Эрон – ИМА – 0:1.
Уэлс — Англия — 0:3.
Пас аз пирӯзӣ дар бозӣ бар Қатар, Ҳолланд дар гурӯҳи “А” мақоми аввалро ишғол кард ва ба плей-офф дар Ҷоми ҷаҳонии 2022 роҳ ёфт.Сенегал низ муборизаро дар ин мусобиқа идома дода, бар Эквадор пирӯз мешавад. Аз гурӯҳи «В» ба марҳилаи навбатии Ҷоми ҷаҳонии футбол Англия ва ИМА роҳ ёфтанд. Дастаҳои мунтахаби Эрон ва Уэлс мусобиқаро тарк мекунанд.
Эрон дар бозӣ бо Амрико нерӯи кофӣ надошт, аз ин рӯ, пас аз мағлубият ба бозигарон танҳо он чизе боқӣ монда буд, ки рӯи майдон нишаста гиря кунанд.
