Донишҷӯи хориҷӣМЕҲМОНИ МО

Ҷей чаро Тоҷикистонро дӯст дошт? (Видео)

Ҷей Рич аз Иёлоти Мэриленди Амрико аст. Ӯ хатмкардаи Донишгоҳи Мэриленд буда, дар Коллеҷи Парк давраи бакалавр ва Донишгоҳи Ҳавайӣ дар Моана дараҷаи магистрро соҳиб гардидааст. Дараҷаи бакалаври ӯ забоншиносӣ (олмонӣ ва форсӣ) ва дараҷаи магистриаш омӯзиши забонҳои дуввум мебошад.

Ҷей ҳоло донишҷӯи барномаи FULBRIGHT  мебошад ва барои мубодилаи забони англисӣ ва рушди дониши шахсии хеш дар Тоҷикистон қарор дорад ва талош мекунад бо равиши осон забони англисиро ба ҷавонон омӯзад.

Ин сафари чаҳоруми ӯ ба Тоҷикистон буда, соли 2013  бори аввал замони донишҷӯияш ба кишвари мо омад.

Табиати зебову ҷаззоб, куҳҳои осмонбӯс, инсондӯстию меҳмоннавозӣ ва урфу одати тоҷикон ба ӯ бисёр писанд омада, ҳар бор пеш аз бозгашт ба Амрико орзуи бозгашт ба Тоҷикистонро мекунад.

Ҷей бо забони форсӣ-тоҷикӣ зебову равон суҳбат мекунад ва мусоҳибаи мо низ бо ӯ ба забони тоҷикӣ сурат гирифт. Бинандаи азиз, мусоҳибаро бубинед ва ба сатҳи забондонии меҳмони мо- ҷаноби Ҷей Рич баҳо диҳед.

Дар Тоҷикистон чӣ чиз ба назари Шумо аҷиб менамояд?

Дар Ҷумҳурии Тоҷикистон барои ман чизҳои аҷиб хеле зиёданд. Аслан Амрико як кишвари куллан дигар аст. Тоҷикистон аз он хеле тафовут дорад. Барои ман ин аҷиб аст, ки мардуми инҷо ба ҷуз забони давлатӣ, боз ба забонҳи мухталифи хориҷӣ, аз қабили  забони русӣ озодона суҳбат карда метавонанд. Ҳамчунин дар мактабҳои олӣ ва миёнаи Тоҷикистон забони русӣ ҳамчун фанни таълимист. Бар замми ин, мардуми тоҷик  муҳоҷират ба Русия мераванд.

-Аз чӣ лаззат мебаред?

-Ман аз табиати инҷо, аз дарёву куҳҳо, тарабхона ва дигар чизҳои ҷолиб лаззат мебарам.

ӣ чизи ҷолиберо мушоҳида кардед?

-Як чизи аҷиберо мушоҳида кардам, ки дар роҳ мардуми инҷо ба якдигар салом медиҳанд. Дар шаҳри Бохтар мардум қариб ҳама якдигаро мешиносад. Ҳангоми дидани якдигар аз аҳволи ҳам пурсон мешаванд ва ин барои мардуми Амрико аҷиб аст.

-Лутфан, назаратонро дар бораи ҷавонони тоҷик бигӯед

-Албата, дар ҳар ҷойе ҷавонон ҳастанд. Ҷавонони тоҷик бошанд хеле заҳматкашанд. Барои ояндаи давлат ва  зиндагии хеш бисёр кушиш мекунанд,  меомӯзанд, кор мекунанд, ки ин хеле хуб аст.

Ҷавонони Амрикои бештар ба телевезион ва Интернет рӯйи овардаанд. Иртибот байни онҳо бо тафовут ба ҷавонони тоҷик тариқи интернет сурат мегирад. Ин боиси кам гардидани рафоқат байни онҳо мегардад.

-Кадом хӯроки миллӣ-тоҷикиро меписандед?

Хӯроки мухталифи тоҷикиро хӯрдам. Ош, манту, самбуса, қурутоб. Аммо аз ҳамаи инҳо қурутоб бомаззатар аст. Агар метавонистам ҳар рӯз қурутоб мехӯрдам.

Салоҳиддини Айнидин

ПИСАНД ОМАД? БО ДӮСТОНИ ХУД МУБОДИЛА КУНЕД!
Like
Love
Haha
Wow
Sad
Angry

Добавить комментарий

Ваш адрес email не будет опубликован. Обязательные поля помечены *

Back to top button